Pojedini libertarijanci su uputili pozitivne kritike ovom "modernom ljevičarskom remek-djelu", a mnogi prognoziraju da će film na dodjeli Oskara doživeti uspjeh kakav su nekad imali Titanik ili Gospodar prstenova.

Kako i dalje traju bioskopske projekcije i čitav medijski buzz, režiser Tod Filips je za "The New York Times" obrazložio jednu od najjezivijih scena filma, prenosi Noizz.rs.

Radi se o scenu u kojoj Hoakin Finiks pleše sam u toaletu, a pored objašnjenja simbolike, reditelj je otkrio i to da je scena nastala spontano - Finiksovom improvizacijom i mijenjanjem scenarija.

Prema incijalnom planu trebalo je da Artur, odnosno Džoker, uđe u toalet i sakrije pištolj, pa da onda gleda svoj odraz u ogledalu, zapitan nad tim što je uradio. Međutim, ni Todu ni Haokinu se taj slijed nije činio logičnim, te je sat vremena prije snimanja Tod pustio kompoziciju Hildur Gudnadotir, koja je i radila score za film. Haokin je mahinalno krenuo da pleše uz tu muziku, upravo u tom toaletu gdje je bio sam sa Todom, dok je 250 članova ekipe čekalo ispred.

Oboje su znali da je to to, da je Artur jedna od onih osoba koje imaju muziku u sebi, ali da prilikom plesa izlazi i Džokerov mrak. Tako je i soundtrack postao integralni dio filma.

Video objašnjenja za nedjelju dana je dobio više od tri miliona pregleda, a neki su ostavljali komentare da je scena plesa poput njegovog rođenja, dok su drugi citirali Ničea.